ಡಿಸಿ vs ಎಲ್‌ಎಸ್‌ಜಿ: ಅಶುತೋಷ್ ಶರ್ಮಾ ಹವಾ; ಲಕ್ನೋ ವಿರುದ್ಧ ಡೆಲ್ಲಿ ಕ್ಯಾಪಿಟಲ್ಸ್ ಗೆಲುವಿನ ಸಂಭ್ರಮ!

ಡಿಸಿ vs ಎಲ್‌ಎಸ್‌ಜಿ: ಅಶುತೋಷ್ ಶರ್ಮಾ ಹವಾ; ಲಕ್ನೋ ವಿರುದ್ಧ ಡೆಲ್ಲಿ ಕ್ಯಾಪಿಟಲ್ಸ್ ಗೆಲುವಿನ ಸಂಭ್ರಮ!

ಐಪಿಎಲ್ 2025ರಲ್ಲಿ ಮೊದಲನೇ ತೀವ್ರ ಸ್ಪರ್ಧೆಯ ಪಂದ್ಯ ವಿಶಾಖಪಟ್ಟಣದ ಸ್ಮರಣೀಯ ಕ್ಷಣವಾಗಿ ಉಳಿಯಿತು. ಕೊನೆಯ ಓವರ್ ವರೆಗೆ ಗೆಲುವು ಯಾರ ಪಾಲಾಗಲಿದೆ ಎಂಬ ಕುತೂಹಲ ಹುಟ್ಟಿಸಿದ ಈ ರೋಚಕ ಕದನದಲ್ಲಿ, ಡೆಲ್ಲಿ ಕ್ಯಾಪಿಟಲ್ಸ್ 1 ವಿಕೆಟ್ ಅಂತರದಿಂದ ಲಕ್ನೋ ಸೂಪರ್ ಜೈಂಟ್ಸ್ ವಿರುದ್ಧ ಅದ್ಭುತ ಜಯ ಸಾಧಿಸಿತು. ಐಪಿಎಲ್‌ನ ಇತಿಹಾಸದಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ ಇದೇ ಮೊದಲು ಇಷ್ಟು ದೊಡ್ಡ ಮೊತ್ತವನ್ನು ಬೆನ್ನಟ್ಟಿ ಗೆಲ್ಲುವ ದಾಖಲೆ ಮಾಡಿತು.

ಕರ್ನಾಟಕ ಬ್ಯಾಂಕ್ ನೇಮಕಾತಿ 2025 – ಸ್ಪೆಷಲಿಸ್ಟ್ ಆಫೀಸರ್ ಹುದ್ದೆಗಳ ಭರ್ತಿ!

ಟಾಸ್ ಗೆದ್ದು ಡೆಲ್ಲಿ ಕ್ಯಾಪಿಟಲ್ಸ್ ಮೊದಲು ಬೌಲಿಂಗ್ ಆಯ್ಕೆ ಮಾಡಿಕೊಂಡಿತು. ಲಕ್ನೋ ಸೂಪರ್ ಜೈಂಟ್ಸ್ 20 ಓವರ್‌ಗಳಲ್ಲಿ 8 ವಿಕೆಟ್ ಕಳೆದುಕೊಂಡು 209 ರನ್ ಪೇರಿಸಿತು. ಮಿಚೆಲ್ ಮಾರ್ಷ್ ಮತ್ತು ನಿಕೋಲಸ್ ಪೂರನ್ ಅವರ ಭರ್ಜರಿ ಬ್ಯಾಟಿಂಗ್ ಲಕ್ನೋಗೆ ಬೃಹತ್ ಮೊತ್ತ ಕಟ್ಟಲು ಸಹಾಯ ಮಾಡಿತು.

ಮಿಚೆಲ್ ಮಾರ್ಷ್ 36 ಎಸೆತಗಳಲ್ಲಿ 6 ಬೌಂಡರಿ ಹಾಗೂ 6 ಸಿಕ್ಸರ್ ಸಹಿತ 72 ರನ್ ಸಿಡಿಸಿದರೆ, ನಿಕೋಲಸ್ ಪೂರನ್ 30 ಎಸೆತಗಳಲ್ಲಿ 6 ಬೌಂಡರಿ ಮತ್ತು 7 ಸಿಕ್ಸರ್ ಗಳಿಸಿ 75 ರನ್ ಪೇರಿಸಿದರು. ಆರಂಭಿಕ ಹಂತದಲ್ಲಿ 240-250 ರನ್ ಮಾಡುವ ಸಾಧ್ಯತೆ ಇದ್ದರೂ, ಲಕ್ನೋ ನಿರಂತರ ವಿಕೆಟ್ ಕಳೆದುಕೊಂಡು 209 ರನ್ ಗಳಿಗೆ ಸೀಮಿತವಾಯಿತು. ಮಿಚೆಲ್ ಸ್ಟಾರ್ಕ್ 3 ವಿಕೆಟ್ ಕಬಳಿಸಿ ಲಕ್ನೋ ಪರಿ ಕಟ್ ಮಾಡಿದರು. ಕುಲದೀಪ್ ಯಾದವ್ 2 ವಿಕೆಟ್ ಪಡೆದರು, ಮತ್ತು ವಿಪ್ರಜ್ ನಿಗಮ್ ಹಾಗೂ ಮುಖೇಶ್ ಕುಮಾರ್ ತಲಾ 1 ವಿಕೆಟ್ ಪಡೆದರು.

ಬೃಹತ್ ಮೊತ್ತವನ್ನು ಬೆನ್ನಟ್ಟಲು ಹರಸಾಹಸಪಟ್ಟ ಡೆಲ್ಲಿ ಕ್ಯಾಪಿಟಲ್ಸ್ ಆರಂಭದಲ್ಲೇ ಸಂಕಷ್ಟಕ್ಕೆ ಸಿಲುಕಿತು. ಮೊದಲನೇ ಓವರ್‌ನಲ್ಲೇ ಶಾರ್ದೂಲ್ ಠಾಕೂರ್ 2 ವಿಕೆಟ್ ಪಡೆದು ಡೆಲ್ಲಿಯ ಬ್ಯಾಟಿಂಗ್ ಸಾಲಿಗೆ ಬಿಗಿದ ಒತ್ತಡ ತಂದರು. ಕೇವಲ 7 ರನ್ ಗಳಿಗಾಗಲೇ ಡೆಲ್ಲಿ 3 ವಿಕೆಟ್ ಕಳೆದುಕೊಂಡಿತು.

ಯುಗಾದಿ: ಹಬ್ಬದ ಮಹತ್ವ ಮತ್ತು ಗೋಸೇವೆಯ ಶಕ್ತಿಯುಳ್ಳ ಆಚರಣೆ

ಫಾಫ್ ಡುಪ್ಲೆಸಿಸ್ 18 ಎಸೆತಗಳಲ್ಲಿ 29 ರನ್, ನಾಯಕ ಅಕ್ಷರ್ ಪಟೇಲ್ 11 ಎಸೆತಗಳಲ್ಲಿ 22 ರನ್, ಮತ್ತು ಟ್ರಿಸ್ಟನ್ ಸ್ಟಬ್ಸ್ 22 ಎಸೆತಗಳಲ್ಲಿ 34 ರನ್ ಗಳಿಸಿದರು. ವಿಪ್ರಜ್ ನಿಗಮ್ 15 ಎಸೆತಗಳಲ್ಲಿ 5 ಬೌಂಡರಿ ಮತ್ತು 2 ಸಿಕ್ಸರ್ ಹೊಡೆದು 39 ರನ್ ಪೇರಿಸಿದರು. ಆದರೆ ದಿನದ ನಾಯಕ ಅಶುತೋಷ್ ಶರ್ಮಾ 31 ಎಸೆತಗಳಲ್ಲಿ 5 ಬೌಂಡರಿ ಹಾಗೂ 5 ಸಿಕ್ಸರ್ ಸೇರಿಸಿ ಅಜೇಯ 66 ರನ್ ಸಿಡಿಸಿ, ಡೆಲ್ಲಿಗೆ ಅಸಾಧ್ಯವನ್ನೂ ಸಾಧ್ಯವೆಂಬಂತೆ ಗೆಲುವಿನ ಹಾದಿ ತೋರಿಸಿದರು.

ಎಲ್ಲಾ ನಿರೀಕ್ಷೆಗಳಿಗೆ ಮೀರಿದ ಈ ಹೋರಾಟ ಡೆಲ್ಲಿ ಕ್ಯಾಪಿಟಲ್ಸ್ ಅಭಿಮಾನಿಗಳಿಗೆ ಖುಷಿ ನೀಡಿದ್ದು, ಟೂರ್ನಿಯ ಮುಂದಿನ ಹಂತಗಳಲ್ಲಿ ಹಿನ್ನಲೆಯಲ್ಲಿ ಹೆಚ್ಚಿನ ಕುತೂಹಲವನ್ನು ಸೃಷ್ಟಿಸಿದೆ.